Aah! Hum hai wahin kal the jehan….

Main na bana tha,
Ek kinaare pe rukne ko,
Dhundne nikla main dusre kinare ko,
Chod kinaara utra samudra mein,
Main kinaara dhoondne chala.

Main kinaara dhoondta chala,
Zindagi jeeta chala.
Raah me mile har tinke se,
Apni kashti bandhta chala.
Raat ke andhere me,
Chaand taaron se roshni leta chala.
Surya ki har kiran ko,
Apni dhal banaata chala.
Ghane baadal ke darr se,
Raasta badalta chala.

Raasta badla, mili baarish, doobi kashti,
Main hua phir tanha, phir akela.
Na chhuti umeed, na toota hausla,
Main kinaara dhoondta chala.

Mili kashti, dikha kinara
Maine kashti chod kinara pakda.
Aah! Hum the wahin kal the jehan.